Рабочая программа Дисциплины «современная коми литература»




Скачать 363.09 Kb.
НазваниеРабочая программа Дисциплины «современная коми литература»
страница2/5
Дата публикации17.09.2013
Размер363.09 Kb.
ТипРабочая программа
lit-yaz.ru > Литература > Рабочая программа
1   2   3   4   5



Пыртöд

«Öнiя коми литература» курс «Коми литература история» дисциплиналöн медбöръя юкöн. Сiйö шымыртö неыджыд кадколаст (1990-öд вояс - 21-öд нэм заводитчöм), но лоö тöдчанаöн да озырöн: гижöдъяс петöны уна жанрын, уна авторлöн (гижысьяслöн нёль кöлена); воссьö öнiя мортлöн абу öткодь олöм аддзöмыс да кылöмыс. Таын ыджыд выныс индöм кадся литературалöн, но таын и велöдöмын сьöкыдлуныс. Öд кадыс да лыддьысьысьыс эз на бöрйы медбур гижöдъяссö, критика кольччö на унатор донъялöмын, выльпöлöс петкöдчöмъяс абу на тарвыйö туялöма. Та понда öнiя коми литеартура видлалöм корö велöдысьлысь да велöдчысьылысь öтувъя мöвпалöм, туялöм, Россияса да ставмирса öнiя литератураяс тöд вылын кутöм, водзын велöдöм коми художествоа гижöдъяс бура тöдöм. Велöдан курсын видлавсьö и Коми республикаса роч кывъя художествоа литература, мыйтöг öнiя кадся коми литературалöн серпасыс оз ло тырвыйö стöчöн.

«Öнiя коми литература» курсысь программа лöсьöдöма III курсса велöдчысьяслы, кодъяс помалiсны нин тöдмасьны коми литература историяöн, но корöмъясыс кольöны да весиг содöны, öд унатор нин босьтöма тöд вылö, кнаторйö велалöма. Велöдчигöн, кыдзи водзын, быть шыöдчыны, литературоведение кындзи, мукöд дисциплинаяс дiнö: роч литература, коми кыв, история, политология, социология, психология. Занятиеяс вылын колö вöдитчыны литературнöй коми кывйöн, та кындзи. колö тöдны литературнöй коми кывлысь XX-öд нэм помö да XXI-öд нэм заводитчигöн сöвмöмсö. Роч литературалöн россияса литератураяс сöвмöмын тöдчöмыс ыджыд, öд национальнöй гижысьяс велöдчöны роч классикъяс да тшöтшъяяс гижöдъяс вылын. Коми литература топыда йитчöма Россияын лоöмторъяскöд, велöдан кадся литератураын ёна тöдчö экология проблемаяс эрдöдöм, морт олöм кусан ловру. Студентлы быть колö гöгöрвоны и государстволысь тайö кадся политикасö, мортлысь оласногсö, сылысь психологиясö.

Öнiя кадся литература велöдöм, позьö шуны, лöсьöдöма традиционнöя, кыдзи и воддза кадколастъяс велöдöм, литература родъяс да жанръяс серти. Тайö сетö позянлун аддзыны, кыдзи найö сöвмöны-вежсьöны, мый кольö, мый бырö, а мый выльыс чужö. Курс кутö ас пытшкас лекцияяс, практическöй занятиеяс, кывкöрталан контрольнöй удж, экзамен. Тайö вузын традиционнöй велöданног. Ми кутчысям татшöм жö формаö, но велöданногсö лöсьöдам сотрудничество принцип подулын, кор сувтöдöм научнöй либö велöдчан проблемаысь петан туй корсям öтув (группаясöн, параясöн). Лекция вылын студент босьтö гижысьяслöн творчество йылысь, тайö кадся литературнöй процесс йылысь медшöр да медколана тöдöмлунъяс, велöдысьöн петкöдлыссьö торъя гижöд видлаланногыс (образец сяма), мукöддырйи лекция водзын сетсьö торъя удж: лöсьöдны висьталöмлысь план, тезис, вöчны лекция серти кывкöртöд, вайöдны видлалан гижöдъясысь содтöд примеръяс. Практическöй занятиеяс вылын донъявсьö студентлöн асшöр удж да литература теорияысь торъя проблема вылö подуласьöмöн пыдiсянь видлавсьöны художествоа гижöдъяс. Вомгора уджъяс тшöкыда йитчöны гижан уджъяскöд. Гижан уджъясö пырöны конспект вöчöм, юалöмъяс вылö вочакыв корсьöм, творческöй уджъяс, мукöддырйиыс торъя тема либö автор серти библиография лöсьöдöм, текст аннотируйтöм, наука да художествоа гижöдъясысь выпискаяс вöчöм. Тшöкыда овлö, мый практическöй занятие кежлö дасьтысигöн лоö уджавны роч кывъя туялан текстöн, сэк дасьтысигöн колö зiльны коми кывйöн висьтавны сылысь сюрöссö, а öткымын медколана цитата позьö вайöдны рочöн. Практическöй занятиеяс кежлö дасьтысигöн пырджык колö тöдмасьны велöдан проблема серти туялöм да критика материалöн (вöчны конспект, выписка, тезис либö аннотация), видлавны сетöм гижöд либö гижöдъясысь юкöнъяс, восьтыны видлаланторыслысь гижысь творчествоын да коми литература сöвмöмын тöдчанлунсö. Та дырйи пырджык студентъяслы асьныслы колö корсьны воддза курсъяс серти тöдса литератураысь велöданторсö, босьтны тöд вылö, вочавидзигöн мыджсьыны сы вылö. Велöдысь öттшöтш велöдчысьяскöд донъялö студентлысь вочакывсö, индö бурсö да тырмытöмторсö, велöдысь отсалö восьтыны удж бурмöдан туйсö. Кывкöрталан контрольнöй удж колö гижны да сетны прöверитны медбöръя тöлысьö, кор лоö видлалöма унджык темаыс. Татшöм удж лоö экзамен водзвылын студентöс аттестуйтан уджöн, кытысь тыдовтчö, бура–ö сiйö гöгöрвоöма велöданторсö, тöдö–ö сiйö тема серти туялöмъяс да критика, кужöмöн–ö вöдитчö колана литератураöн.

Уджтасын вайöдöма дисциплиналысь темаяс серти план, кöнi индöма лекцияяслысь темаяссö да быд темалысь час лыдсö, практическöй занятиеяслысь инсö да час лыдсö, асшöр велöдчöмлысь объёмсö. Водзö вайöдöма лекция нимъяс сюрöссö восьтöмöн–аннотируйтöмöн; практическöй занятиеяслысь темасö, могсö, дасьтысян ногсö; быд тема серти студент тöдöм да кужöм дорö корöм; асшöра уджалöм вылö темаяс да найöс дасьтанногсö; быть колана да содтöд литература вайöдöма лекция, практическöй занятие да асшöр удж кежлö öтув. Водзö вайöдöма тöдöмлун донъялан удж темаяс (отсöг вылö неыджыд индöдöн), художествоа литературалысь да туялан литературалысь список.

^ Велöдан литература подувнас лоö О.И. Федотовлöн «Основы теории литературы» велöдан пособие (2003), быд занятие вылын нуöдсьö мöвпсям да литературнöй сёрни сöмöдан, текст видлалан удж «Коми литература 1960-öд вояссянь öнiя кадöдз» велöдан пособие-практикум серти.(Автор-лöсьöдысь Е.В. Остапова, 2006). Та кындзи, тшöкыда ковмас шыöдчывны Н.Л. Лейдерманлöн «Современная русская литература: 1950-1990-е г.г." вузъясын велöдан пособие дорö (2003).

Курс велöдöм водзвылын

Студентлы колö тöдны коми литературалысь XIV–öд нэмсянь XX–öд нэмлöн 80-öд воясöдз быд велöдöм кадколастлысь аслыспöлöслунсö; видлалöм гижöдъяслысь сюрöссö; литература туялан наукаысь шöр терминъяслысь вежöртассö (литература родъяс, жанр, тема, сюжет, герой, композиция, художествоа деталь, стихосложение, серпасалан ногъяс).

Студентлы колö кужны восьтыны коми литература сöвман туйяслысь аслыспöлöслунсö, велöдöм художествоа гижöдъяслысь аслыспöлöслунсö; гöгöрвоöдны литература туялан наукаысь шöр терминъяслысь вежöртассö (литература родъяс, жанр, тема, сюжет, герой, композиция, художествоа деталь, стихосложение, серпасалан ногъяс).

Курс велöдöм бöрын

^ Студентлы колö тöдны «литературнöй процесс» да «öнiя литература» гöгöрвоöдöм; велöдан кадся художествоа коми гижöдъяс да туялысьяслысь индöм уджъяссö, тайö кадся литературнöй процесслысь аслыспöлöслунсö.

Студентлы колö кужны гöгöрвоöдны «литературнöй процесс» понятие», видлавны литература гижöдъяс, восьтыны коми литературалысь кадыскöд да культура сöвмöмкöд йитöдсö.

1   2   3   4   5

Похожие:

Рабочая программа Дисциплины «современная коми литература» iconРабочая учебная программа по дисциплине «Современная поэзия и проза»...
Фгбоу впо «Уральский государственный педагогический университет». Екатеринбург, 2011. – с. 16

Рабочая программа Дисциплины «современная коми литература» iconРабочая программа Дисциплины «поэтика коми лирики»
Латышева В. А. Коми лирика гижöдъяс видлалöм: Учебнöй пособие. Сыктывкар, 1999. (базовый)

Рабочая программа Дисциплины «современная коми литература» iconЛитература область применения программы рабочая программа учебной дисциплины «Литература»
Рабочая программа учебной дисциплины «Литература» является частью примерной основной профессиональной образовательной программы в...

Рабочая программа Дисциплины «современная коми литература» iconРабочая программа учебной дисциплины «Литература»
Рабочая программа предназначена для преподавания общеобразовательной дисциплины студентам очной формы обучения специальности 120714...

Рабочая программа Дисциплины «современная коми литература» iconРабочая программа дисциплины «Литература»
Рабочая программа предназначена для преподавания общеобразовательной дисциплины студентам очной формы обучения специальности 030912...

Рабочая программа Дисциплины «современная коми литература» iconРабочая программа учебной дисциплины литература 2011 г рабочая программа...
«Литература» для профессий начального профессионального образования и специальностей среднего профессионального образования. Авторы:...

Рабочая программа Дисциплины «современная коми литература» iconРабочая программа учебной дисциплины «детская литература»
Рабочая программа предназначена для преподавания дисциплины вариативной части профессионального цикла студентам заочной формы обучения...

Рабочая программа Дисциплины «современная коми литература» iconРабочая программа Дисциплины «Зарубежная литература»
...

Рабочая программа Дисциплины «современная коми литература» iconРабочая программа учебной дисциплины (модуля)
Профили подготовки (бакалавриат): «история и литература» и «русский язык и литература»

Рабочая программа Дисциплины «современная коми литература» iconРабочая программа учебной дисциплины (модуля)
Профили подготовки (бакалавриат): «русский язык и литература», «история и литература»



Образовательный материал



При копировании материала укажите ссылку © 2013
контакты
lit-yaz.ru
главная страница