1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем




Скачать 121.87 Kb.
Название1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем
Дата публикации29.03.2014
Размер121.87 Kb.
ТипДокументы
lit-yaz.ru > Военное дело > Документы

«Честнейшую...» — песнь Пресвятой Богородицы

1. Величит душа Моя Господа, и возрадовася дух Мой о Бозе Спасе Моем.

Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем.

2. Яко призре на смирение рабы Своея, се бо от ныне ублажат Мя вси роди.

Честнейшую...

3. Яко сотвори Мне величие Сильный, и свято имя Его, и милость Его в роды родов боящимся Его.

Честнейшую...

4. Сотвори державу мышцею Своею, расточи гордыя мыслию сердца их.

Честнейшую...

^ 5. Низложи сильныя со престол, и вознесе смиренныя; алчущия исполни благ, и богатящияся отпусти тщи.

Честнейшую...

6. Восприят Израиля отрока Своего, помянути милости, якоже глагола ко отцем нашим, Аврааму и семени его, даже до века.

Честнейшую...
Сподоби, Господи, в вечер сей без греха сохранитися нам.

Благословен еси, Господи, Боже отец наших, и хвально и прославлено Имя Твое во веки. Аминь.

Буди, Господи, милость Твоя на нас, якоже уповахом на Тя.

^ Благословен еси, Господи, научи мя оправданием Твоим.

Благословен еси, Владыко, вразуми мя оправданием Твоим.

Благословен еси, Святый, просвети мя оправдании Твоими.

Господи, милость Твоя во век, дел руку Твоею не презри. Тебе подобает хвала, Тебе подобает пение, Тебе слава подобает, Отцу и Сыну и Святому Духу, ныне и присно и во веки веков. Аминь.

<...>

И возглашает канонарх во глас 8-й аллилуиа, со стихи покойны: Аллилуиа, аллилуиа, аллилуиа.

Стих 1-й: Блажени, яже избрал и приял еси, Господи.

Стих 2-й: Память их в род и род.

Стих 3-й: Душы их во благих водворятся.

Тропарь, глас 8-й: Глубиною мудрости человеколюбно вся строяй, и полезная всем подаваяй, Едине Содетелю, упокой, Господи, душы усопших раб Твоих: на Тя бо упование возложиша, Творца и Зиждителя и Бога нашего. Дважды.

^ Слава, и ныне, Богородичен: Тебе и стену и пристанище имамы, и Молитвенницу благоприятную к Богу. Егоже родила еси, Богородице Безневестная, верных спасение.

<...>

Тропари по непорочных, глас 5-й

Благословен еси Господи, научи мя оправданием Твоим.

^ Святых лик обрете источник жизни и дверь райскую, да обрящу и аз путь покаянием: погибшее овча аз есмь, воззови мя Спасе и спаси мя.

Благословен еси Господи, научи мя оправданием Твоим.

Агнца Божия проповдавше, и заклани бывше якоже агнцы, и к жизни нестареемей святии и присносущней преставльшеся: Того прилежно, мученицы, молите, долгов разрешение нам даровати.

^ Благословен еси Господи, научи мя оправданием Твоим.

В путь узкий хождшии прискорбный, вси в житии крест яко ярем вземшии, и Мне последовавшии верою, приидите, насладитеся, ихже уготовах вам почестей и венцев небесных.

^ Благословен еси Господи, научи мя оправданием Твоим.

Образ есмь неизреченныя Твоея славы, аще и язвы ношу прегрешений: ущедри Твое создание, Владыко, и очисти Твоим благоутробием, и вожделенное Отечество подаждь ми, рая паки жителя мя сотворяя.

^ Благословен еси Господи, научи мя оправданием Твоим.

Древле убо от несущих создавый мя, и образом Твоим Божественным почтый, преступлением же заповеди паки мя возвративый в землю, из неяже взят бых, на еже по подобию возведи, древнею добротою возобразитися.

^ Благословен еси Господи, научи мя оправданием Твоим.

Упокой, Боже, рабы Твоя, и учини я в раи, идеже лицы святых, Господи, и праведницы сияют яко светила: усопшыя рабы Твоя, Спасе, упокой, презирая их вся согрешения.

^ Слава Отцу и Сыну и Святому Духу.

Трисиятельное Единаго Божества благочестно поем, вопиюще: свят еси, Отче Безначальный, Собезначальный же Сыне и Божественный Душе: просвети нас, верою Тебе служащих, и вечнаго огня исхити.

^ И ныне и присно и во веки веков. Аминь.

Радуйся, Чистая, Бога плотию Рождшая во спасение всех, Еюже род человеческий обрете спасение: Тобою да обрящем рай, Богородице Чистая Благословенная.

^ Аллилуиа, аллилуиа, аллилуиа, слава Тебе, Боже. Трижды.

По сем, Господи, помилуй, 40 раз и молитва: Помяни, Господи Боже наш:

И седален, глас 5-й: Покой, Спасе наш, с праведными рабы Твоя, и сия всели во дворы Твоя, якоже есть писано: презирая, яко Благ, прегрешения их, вольная и невольная, и вся, яже в ведении и не в ведении, Человеколюбче.

^ Слава и ныне, Богородичен: От Девы возсиявый мiру, Христе Боже, сыны света Тою показавый, помилуй нас.

Таже, псалом 50-й: Помилуй мя, Боже:

Канон. Глас 6

Песнь 1. Яко по суху пешешествовав Израиль, по бездне стопами, гонителя фараона видя потопляема, Богу победную песни поим, вопияше.

Песнь 3. Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.

^ Седален, глас 6-й: Воистинну суета всяческая, житие же сень и соние, ибо всуе мятется всяк земнородный, якоже рече Писание: егда мiр приобрящем, тогда во гроб вселимся, идеже вкупе царие и нищии. Темже, Христе Боже, преставльшыяся упокой, яко Человеколюбец.

^ Слава и ныне, Богородичен: Всесвятая Богородице, во время живота моего не остави мене, человеческому предстательству не ввери мя, но сама заступи и помилуй мя.

Песнь 4. Христос моя сила, Бог и Господь, честная Церковь благолепно поет, взывающи, от смысла чиста о Господе празднующи.

Песнь 5. Божиим светом Твоим Блаже, утренюющих Ти душы любовию озари, молюся: Тя ведети, Слове Божий, Истиннаго Бога, от мрака греховнаго взывающа.

Песнь 6. Житейское море воздвизаемое зря напастей бурею, к тихому пристанищу Твоему притек вопию Ти: возведи от тли живот мой, Многомилостиве.

Кондак, глас 8: Со святыми упокой, Христе, душу усопшых раб Твоих (раба Твоего, рабы Твоея), идеже несть болезнь, ни печаль, ни воздыхание, но жизнь безконечная.

Икос, глас 8: Сам Един еси безсмертный, сотворивый и создавый человека: земнии убо от земли создахомся, и в землю туюжде пойдем, якоже повелел еси, создавый мя и рекий ми: яко земля еси и в землю отыдеши, аможе вси человецы пойдем, надгробное рыдание творяще [и ангельскую поюще] песнь: Аллилуиа (трижды).

Песнь 7. Росодательну убо пещь содела ангел преподобным отроком, халдеи же опаляющее веление Божие мучителя увеща вопити: благословен еси Боже отец наших.

Песнь 8. Из пламене преподобным росу источил еси, и праведнаго жертву водою попалил еси: вся бо твориши Христе, токмо еже хотети. Тя превозносим во вся веки.

Песнь 9. Бога человеком не возможно видети, на Негоже не смеют чини ангельстии взирати: Тобою же Всечистая, явися человеком слово Воплощенно, Егоже величающе, с небесными вои Тя ублажаем.

^ По 9-й песни поем: Дуси и души праведных восхвалят Тя, Господи. И ирмос 9-й песни канона:

Стихиры самогласны Иоанна Монаха

Глас 1-й: Кая житейская сладость пребывает печали непричастна; кая же ли слава стоит на земли непреложна; вся сени немощнейша, вся соний прелестнейша: единем мгновением, и сия вся смерть приемлет. но во свете, Христе, лица Твоего, и в наслаждении Твоея красоты, егоже избрал еси, упокой, яко Человеколюбец.

Глас 2-й: Увы мне, каковый подвиг имать душа, разлучающися от телесе! увы тогда, колико слезит, и несть помилуяй ю! ко ангелом очи возводящи, бездельно молится: к человеком руце простирающи, не имать помогающих. Темже, возлюбленнии мои братие, помысливше нашу краткую жизнь, преставленому упокоение от Христа просим, и душам нашым велию милость.

Глас 3-й: Вся суета человеческая, елика не пребывает по смерти, не пребывает богатство, не сшествует слава: пришедши бо смерти, вся сия потребишася. Тем же Христу Безсмертному возопиим: преставленнаго от нас упокой, идеже всех есть веселящися жилище.

Глас 4-й: Где есть мiрское пристрастие; где есть привременных мечтание; где есть злато и сребро; где есть рабов множество и молва; вся персть, вся пепел, вся сень. Но приидите, возопиим Безсмертному Царю: Господи, вечных Твоих благих сподоби преставльшагося от нас, упокояя его в нестареющемся блаженстве Твоем.

Глас 5-й: Помянух пророка вопиюща: аз есмь земля и пепел. И паки разсмотрих во гробех, и видех кости обнажены и рех: убо кто есть царь или воин, или богат, или убог, или праведник, или грешник; но упокой, Господи, с праведными раба Твоего.

Глас 6-й: Начаток мне и состав, Зиждительное Твое быть повеление: восхотев бо от невидимаго же и видимаго, жива мя составити естества, от земли тело мое создал еси, дал же ми еси душу, Божественным Твоим и Животворящим вдохновением. Темже, Христе, раба Твоего во стране живущих, и в селениих праведных упокой.

Глас 7-й: По образу Твоему и по подобию, Создавый в начале человека, в раи поставил еси владети Твоими тварьми: завистию же диаволею прельстився, снеди причастися, заповедей Твоих преступник быв. Темже паки в землю, от неяже взят бысть, осудил еси возвратитися, Господи, и испросити упокоение.

Глас 8-й: Плачу и рыдаю, егда помышляю смерть, и вижду во гробех лежащую, по образу Божию созданную нашу красоту, безобразну, безславну, не имущую вида. О чудесе! что сие, еже о нас бысть таинство; како предахомся тлению; како припрягохомся смерти; воистинну Бога повелением, якоже писано есть, Подающаго преставльшемуся упокоение.

^ Блаженны, глас 6-й

Во Царствии Твоем, егда приидеши, помяни нас, Господи.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротцыи, яко тии наследят землю.

^ Блажени алчущие и жаждущии правды, яко тии насытятся.

Блажени милостивии, яко тии помиловани будут.

Разбойника рая, Христе, жителя, на кресте Тебе возопивша, помяни мя, предсодеял еси покаяние его, и мене сподоби, недостойнаго.

^ Блажени чистии сердцем, яко тии Бога узрят.

Животом Господьствуяй и смертию, во дворех святых упокой, егоже приял еси от привременных, и помяни мя, егда приидеши, во Царствии Твоем.

^ Блажени миротворцы, яко тии сынове Божии нарекутся.

Душами Владычествуяй и телесами, Егоже в руце дыхание наше, оскорбляемых Утешение, упокой во стране праведных, егоже преставил еси раба Твоего.

^ Блажени изгнани правды ради, яко тех есть Царство Небесное.

Христос тя упокоит во стране живущих, и врата райская да отверзет ти, и Царствия покажет жителя, и оставление тебе даст, от нихже согрешил еси в житии, христолюбче.

^ Блажени есте, егда поносят вам и изженут, и рекут всяк зол глагол на вы, лжуще Мене ради.

Изыдем и узрим во гробех, яко наги кости человек, червей снедь и срам, и познаем, что богатство, доброта, крепость, благолепие;

Радуйтеся и веселитеся яко мзда ваша многа на небесех.

Услышим, что зовет Вседержитель: увы ищущим зрети страшный День Господень! Сей бо есть тма, огнем бо искушаются всяческая.

Слава: Безначальным же и рождением и происхождением Отцу покланяюся Родившему, Сына славлю Рожденнаго, пою Сопросиявшаго Отцу же и Сыну Духа Святаго.

^ И ныне, Богородичен: Како от сосцу Твоею млеко точиши, Дево; како питаеши Питателя твари; якоже весть Источивый воду от камене, жилы водныя жаждущым, якоже писася.
Прокимен, глас 6: Блажен путь, в оньже идеши днесь душе, яко уготовася тебе место упокоения.

^ Апостол: Евангелие:
Стихиры при последнем целовании, глас 2,
подобен "Егда от древа"


Приидите, последнее целование дадим, братие умершему, благодаряще Бога: сей бо оскуде от сродства своего, и ко гробу тщится, не ктому пекийся о суетных, и о многострастной плоти. где ныне сродницы же и друзи; се разлучаемся: егоже упокоити Господу помолимся.

Кое разлучение, о братие; кий плачь, кое рыдание в настоящем часе; приидите убо, целуйте бывшаго вмале с нами: предается бо гробу, каменем покрывается, во тьму вселяется, с мертвыми погребается, и всех сродников и другов ныне разлучается: егоже упокоити, Господу помолимся.

Ныне житейское лукавое разрушается торжество суеты. дух бо оскуде от селения, брение очернися, сосуд раздрася, безгласен, нечувствен, мертвен, недвижимь: егоже посылающе гробу, Господу помолимся, дати сему во веки упокоение.

Яков живот наш есть; цвет и дым и роса утренняя воистинну. Приидите, убо узрим на гробех ясно, где доброта телесная; где юность; где суть очеса и зрак плотский; вся увядоша яко трава, вся потребишася. приидите, ко Христу припадем со слезами.

Велий плач и рыдание, велие воздыхание и нужда, разлучение души, ад и погибель: привременный живот сень непостоянная, сон прелестный, без-временномечтанен труд жития земнаго. далече отбежим мiрскаго всякаго греха, да Небесная наследим.

Видяще предлежаща мертва, образ восприимем вси конечнаго часа: сей бо отходит яко дым от земли, яко цвет отцвете, яко трава посечеся, вретищем повиваемь, землею покрываемь: его невидима оставивше, Христу помолимся, дати сему во веки упокоение.

Приидите, внуцы Адамовы, увидим на земли поверженнаго, по образу нашему, все благолепие отлагающа, разрушена во гробе гноем, червьми, тлею иждиваема, землею покрываема: егоже невидима оставльше, Христу помолимся, дати во веки сему упокоение.

Егда душа от тела имать нуждею восхититися страшными ангелы, всех забывает сродников и знаемых, и печется о будущих судилищей стоянии, яже суеты и многотрудныя плоти разрешении: тогда Судию моляще, вси помолимся, да простит Господь, яже содела.

Приидите, братие, во гробе узрим пепел и персть, из неяже создахомся. камо ныне идем; что же быхом; кий убог, или богат; или кий владыка, кий же свободь; и не вси ли пепел; доброта лица согни, и юности весь цвет увяди смерть.

Воистинну суета и тление, вся житейская, виды, и безславная: вси бо исчезнем, вси умрем, царие же и князи, судии и насильницы, богатии и убозии, и все естество человеческое: ныне бо, иже иногда в житии, во гробы ввергаются, ихже да упокоит Господь, помолимся.

Вси телеснии ныне органи праздны зрятся, иже прежде мала движими бяху, вси недействительни, мертвы, нечувственнии: очи бо заидоша, связастеся нози, руце безмолствуете, и слух с ними: язык молчанием заключися, гробу предается. воистинну суета вся человеческая.

Спасай надеющияся на Тя, Мати Незаходимаго Солнца, Богородительнице: умоли молитвами Твоими Преблагаго Бога, упокоити, молимся, ныне преставльшагося, идеже упокоеваются праведных дуси, Божественных благ наследника покажи, во дворех праведных, в память, Всенепорочная, вечную.

^ Слава, глас 6-й: Зряще мя безгласна, и бездыханна предлежаща, восплачите о мне, братие и друзи, сродницы и знаемии: вчерашний бо день беседовах с вами, и внезапу найде на мя страшный час смертный: но приидите, вси любящии мя, и целуйте мя последним целованием. Не ктому бо с вами похожду, или собеседую прочее: к Судии бо отхожду, идеже несть лицеприятия. раб бо и владыка вкупе предстоят, царь и воин, богатый и убогий в равнем достоинстве: кийждо бо от своих дел, или прославится или постыдится. но прошу всех и молю, непрестанно о мне молитеся Христу Богу, да не низведен буду по грехом моим на место мучения, но да вчинит мя, идеже Свет Животный.

^ И ныне, Богородичен, глас тойже: Молитвами Рождшия Тя, Христе, и Предтечи Твоего, апостолов, пророков, иерархов, преподобных и праведных и всех святых, усопшаго раба Твоего упокой.

Лития

Трисвятое. По Отче наш:

Тропари, глас 4-й: Со духи праведных скончавшихся, душы раб Твоих, Спасе, упокой, сохраняя их во блаженней жизни яже у Тебе, Человеколюбче.

В покоищи Твоем, Господи, идеже вси святии Твои упокоеваются, упокой и душы раб Твоих, яко Един еси Человеколюбец.

^ Слава: Ты еси Бог, сошедый во ад, и узы окованных разрешивый, Сам и душы раб Твоих упокой.

И ныне: Едина Чистая и Непорочная Дево, Бога без семене рождшая, моли спастися душам их.

Посем, Господи, помилуй, 40 и молитва: Помяни, Господи Боже наш:

Аминь.

Честнейшую Херувим, и Славнейшую без сравнения Серафим, без истления Бога Слова рождшую, Сущую Богородицу Тя величаем.

Слава, и ныне: Господи, помилуй, трижды. Господи, благослови.

И отпуст: Живыми и мертвыми обладаяй:

Аминь.

Вечная память:





Добавить документ в свой блог или на сайт

Похожие:

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconЧто значит «произносить имя Бога напрасно»?
Исход 20: 7 «Не произноси имени Господа, Бога твоего, напрасно, ибо Господь не оставит без наказания того, кто произносит имя Его...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconМоей воспитательной работы
Конечно же, наша жизнь не обходится без ссор, драк, слез обиды, но все это забывается, а остается лишь радость от теплого общения....

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconП. И. Чайковский первый хор из кантаты
«Без поры да без времени» – на слова Н. Цыганова; «Что смолкнул веселия глас» на слова А. С. Пушкина, «Ночевала тучка золо-тая» на...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconРебята, на доске написаны слова «Хлеб всему голова». А как вы понимаете эти слова?
Правильно! Хлеб всему голова- это значит он везде главный. Ведь у человека голова отвечает за все, за работу ног, рук, сердца. Человек...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconКлятва Ессеев в оригинале: Ahvh kovl, asher yhwh bahar; saneh kovl, asher yhwh maas официоз
Год 2007 от Рожества по плоти Бога Слова, Господа Бога и Спаса нашаго Iсуса Хрiста Вседержителя

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconСтатья из журнала The Harmonist
Благодаря воспеванию святых имен Бога достигается любовь к Кришне – высочайшая цель человеческой жизни. В следующей шлоке заключены...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconСвятитель Лука (Войно-Ясенецкий) Спешите идти за Христом
Печаль бо яже по Бозе покаяние нераскаянно во спасение соделовает, а мира печаль смерть соделовает (2 Кор. 7, 10). Это глубокие-глубокие...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconКрай мой родной над Волгой-рекой
Родина во всём: и в пейзаже, и в домах, и в крестах на могилах, и в старине. Человек без родины – сирота. Потому что душа глубоко...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconТур первый
В «Повести о Петре и Февронии» девица встречает слугу князя такими словами: «Плохо дому без ушей, а горнице без очей». Как нужно...

1. Величит душа Моя Господа, и возрадовася дух Мой о Бозе Спасе Моем. Честнейшую Херувим и славнейшую без сравнения Серафим, без истления Бога Слова рождшую, сущую Богородицу, Тя величаем iconЛичных отношений с Богом
«И нарек Иаков имя месту тому: Пенуэл;ибо, говорил он, я видел Бога лицем к лицу и сохранилась душа моя» (Быт 32: 30)



Образовательный материал



При копировании материала укажите ссылку © 2013
контакты
lit-yaz.ru
главная страница